Eldor Shomurodovni "Kalyari" tarkibda olib qolmaydigan bo‘ldi.
1 yil ushbu jamoada ijarada to‘p surgan o‘yinchini "Roma"dan sotib olish borasida kelishuvga erisha olishmagan. "Roma" o‘tgan yilgi narxni, ya’ni 9 million yevro so‘ragan ammo bu narxni "Kalyari" to‘lamasligini bildirgan.
Shu bilan birgalikda, "Roma" ham "Kalyari"ng 20 yoshli yarim himoyachisi Matteo Pratiga qiziqish bildiryapti va sardiniyaliklar Italiyaning U20 tarkibida o‘ynaydigan o‘z o‘yinchisini 15 million yevrodan kamga sotmoqchi emas. "Roma" esa bu o‘yinchi uchun Eldorni, yosh o‘yinchilaridan birini (Pagano yoki Golich) va ustiga pul qo‘shib bermoqchi bo‘lishgan biroq "Kalyari" bunday kelishuvni rad etgan va faqat 15 million “naqd” talab qilishni afzal ko‘rishgan.
