Shols Trampning Grenlandiya ustidan nazoratni qo‘lga kiritish niyati haqidagi bayonotlariga javob berdi

“Chegaralarni buzish xalqaro huquqning asosiy tamoyillariga ziddir”, dedi Germaniya kansleri Olaf Shols.

Avvalroq Donald Tramp AQShning Daniya hududi bo‘lgan Grenlandiya hududi ustidan nazoratni qo‘lga kiritishini zarur deb bilishini ma’lum qilgandi.

Shols Yevropaning bir qancha davlat va hukumat rahbarlari bilan muzokaralar olib bordi. “Evropalik hamkorlarimiz bilan bo‘lgan suhbatlarimda Qo‘shma Shtatlarning so‘nggi bayonotlari bo‘yicha tushunmovchilik kuzatildi”, — deya qo‘shimcha qildi u.

BILD xabariga ko‘ra, Trampning Grenlandiya haqidagi provokatsion so‘zlaridan so‘ng Shols Daniya bosh vaziri Mette Frederiksen va NATO bosh kotibi Mark Ryutte bilan telefon orqali muloqot qilgan. U Fransiya prezidenti Emmanuel Makron bilan SMS orqali vaziyatni muhokama qildi.

Trumpga qarshi ommaviy bayonot berishdan oldin, Shols o‘z harakatlarini yevropalik hamkorlar, ayniqsa Mette Frederiksen bilan muvofiqlashtirdi, ular Yevropadan shoshilinch jamoatchilik javobini talab qildi.

BILD nashrining yozishicha, Trampning bayonotlari Yevropada jiddiy xavotir uyg‘otgan. Shols bu kabi harbiy tahdidlar javobsiz qolishi mumkinligidan qo‘rqib, oshkora rad etishga qaror qildi. Yevropada Ukrainaga yordam chegaralar daxlsizligi tamoyiliga asoslanadi, Sholsning so‘zlariga ko‘ra, bu "bizning sharqimizda yoki g‘arbimizda bo‘lishidan qat’iy nazar" har qanday davlatga tegishli. U Putinning Ukrainaga bostirib kirishini misol qilib keltirdi.