22 avgust kuni soat 02:50da Toshkent shahar Shayxontohur tumani “Huvaydo” MFYda joylashgan 31, 51, 33 va 42-uylarda yong‘in sodir bo‘layotganligi haqida yong‘in-qutqaruv xizmatiga xabar kelib tushgan. Bu haqda O‘zbekiston YOXX matbuot markazi xabar bermoqda.
Voqea joyiga 5ta yong‘in o‘chirish bo‘linmalari jalb etilgan. Birinchi bo‘linmalar ko‘rsatilgan manzilga soat 02:58da yetib borgan. Ko‘rilgan tezkor harakatlar natijasida yong‘in soat 03:11da qurshab olingan va 03:42da to‘liq bartaraf etilgan.
Tan jarohati olganlar va halok bo‘lganlar qayd etilmagani xabar qilinmoqda.
Yong‘in oqibatida 31, 51, 33 va 42-uylarning 20, 65, 40 va 25 kv.metr maydonda tom qismlari yonib zararlangan.
Yong‘inni qisqa vaqtda tarqalishiga uylarni qurishda yong‘inga qarshi oraliq masofalar inobatga olinmagan va yong‘inga qarshi devorlar qurilmaganligi sabab bo‘lgan. Yong‘indan uylarning jami 550 kv.metr maydoni saqlab qolingan.
Hodisaning kelib chiqish sababi va moddiy zarar miqdori aniqlanmoqda.
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
Amerikalik taniqli bokschi Bahodir Jalolov haqida fikr birdirdi
