Bugun 18 noyabr, 2019 yil, dushanba

КИР

Shavkat Mirziyoyev: "Uylarning narxini arzonlashtirish kerak"

Shavkat Mirziyoyev: "Uylarning narxini arzonlashtirish kerak"

Prezident Shavkat Mirziyoyev 2018 yil 29 iyun kuni Toshkent shahrining Olmazor tumanida «Olmazor business city» ishbilarmonlik markazi loyihasi bilan tanishgan edi. Buning uchun Kichik halqa yo‘li va Yangi Olmazor ko‘chasi o‘rtasida qariyb 24 gektar yer ajratilib, joriy yil fevralda qurilish ishlari boshlandi.

Maydon 6 ta lotga bo‘lingan bo‘lib, birinchi va ikkinchi lotlarda savdo markazi, ofislar va ko‘ngilochar maskanlar bunyod etilmoqda. Uch, to‘rt va beshinchi lotlarda 2 ming 100 xonadonga mo‘ljallangan 28 ta ko‘p qavatli uy, oltinchi lotda 300 o‘rinli maktabgacha ta’lim muassasasi hamda 500 o‘rinli maktab qurilmoqda. Uylarning birinchi qavatidan savdo do‘konlari o‘rin oladi. Xonadonlarda alohida isitish tizimi o‘rnatiladi. Devorlar yetti qatlamdan iboratligi, jumladan bazalt tolasi bilan qoplangani qishda issiq, yozda salqin haroratni yaxshi saqlaydi.

Prezident matbuot xizmati xabariga ko‘ra, davlat rahbari 9 oktyabr kuni ushbu majmuaga tashrif buyurib, bunyodkorlik ishlarini ko‘zdan kechirdi. Qurilishda qo‘llanilayotgan innovasion, energiya tejamkor texnologiyalarga alohida e’tibor qaratdi.

- Uylar sonini ko‘paytirish, energiyani tejash orqali turar joylar narxini arzonlashtirish kerak. Buning uchun qurilish materiallari, bazalt tolasi ishlab chiqarish korxonalarini ko‘paytirib, har bir hududga yetkazib berish zarur, - dedi Shavkat Mirziyoyev. 

Binokorlik ishlarining borishi, o‘ziga xos jihatlari haqida ma’lumot berildi. Qurilishda mahalliy materiallardan foydalanilayotgani, uylar ham to‘liq yurtimizda ishlab chiqarilgan maishiy texnika va mebellar bilan jihozlanishi ta’kidlandi. 

- Qurish bu birinchi qadam. Asosiysi - malakali ekspluatasiya. Uylarga, odamlarga sifatli xizmat ko‘rsatish, muhandislik uskunalaridan samarali foydalanish zarur, - dedi davlat rahbari quruvchi va mutasaddilar bilan suhbatda.

Qayd etilishicha, shu yerda Olmazor tumani faollari bilan ham muloqot bo‘ldi.

Kiritildi: 17:01 09.10.2019. O'qildi: 2314 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi, va telefon rakamni tasdiklash kerak buladi!