Saylov uchastkasi xodimi portlatib yuborish tahdidi uchun 25 yilgi qamalishi mumkin

AQShda saylov uchastkasi xodimi muddatidan oldin ovoz berish joyini portlatib yuborish bilan tahdid qilgani uchun hibsga olindi.

Bu haqda AQSh Adliya vazirligi ma’lum qildi.

"Jorjiya shtatidagi saylov uchastkasi xodimi Jons okrugi saylov noziriga saylov uchastkasi xodimlariga tahdidli xat yuborgani uchun hibsga olindi", — deyiladi departament bayonotida.

Xabar qilinishicha, 25 yoshli Nikolas Uimbish oktyabr oyi o‘rtalarida saylovchilardan biri bilan janjallashib qolgan. Oradan ko‘p o‘tmay, u bu odam nomidan saylov uchastkasi direktoriga Uimbish va boshqa saylov uchastkasi xodimlariga tahdid solingan xat yubordi. Maktubda, shuningdek, erta ovoz berish joyida portlash yuz berishi mumkinligi haqida ogohlantiruvchi eslatma ham bor edi.

"Uimbish bomba tahdidi yuborish, bomba tahdidi haqida yolg‘on ma’lumot tarqatish, tahdidli xat yuborish va FQBga yolg‘on bayonotlar berishda ayblanmoqda... U eng ko‘p 25 yillik qamoq jazosi bilan jazolanishi mumkin", — deyiladi bayonotda.