Savdo-sanoat palatasi raisi o‘rinbosari Jamshid O‘roqov «Hunarmand» O‘zbekiston xalq ustalari, hunarmandlari va rassomlari uyushmasi raisi vazifasini bajaruvchi bo‘ldi.
Bungacha uyushma raisi lavozimida ishlab kelgan Ulug‘bek Abdullayev o‘z iltimosiga ko‘ra egallab turgan lavozimidan ozod etildi.
Jamshid O‘roqov 2019-2022 yillarda Samarqand viloyati hokimining moliya-iqtisodiy masalalar va kambag‘allikni qisqartirish bo‘yicha birinchi o‘rinbosari lavozimida ishlab kelgan, 2022 yil dekabr oyida esa Savdo-sanoat palatasi raisi o‘rinbosari lavozimiga tayinlangan edi.
