Saudiya Arabistoni qiroli Salmon bin Abdulaziz Ol Saud Suriyaga yangi elchi tayinladi. Qirollikning Damashqdagi 2012 yilda yopilgan diplomatik vakolatxonasiga Seyf bin Saud al-Mujfel rahbarlik qiladi.
Bu haqda Saudia Press agentligi xabar berdi.
Saudiya Arabistoni va Suriya 2023 yil may oyida diplomatik munosabatlarni tiklashga kelishib oldi. Ar-Riyoddagi arab elchixonasi mamlakatlar o‘rtasidagi munosabatlar normallashganidan bir necha oy o‘tib ish boshladi. Shu yil boshida Saudiya Arabistoni Damashqda muvaqqat ishlar vakili Abdulla al-Horis boshchiligidagi elchixonasini ochdi.
