Chekishdan voz kechish saraton kasalligining oldini olishning eng yaxshi usulidir. To‘g‘ri ovqatlanish va harakat ham juda muhimdir, deya ta’kidlaydi Geydelbergdagi Nemis ilmiy-tekshirish onkologiya markazi rahbari, professor Mixael Baumann RIA Novostiga bergan intervyusida.
Ongli ravishda ovqatlanish va yetarli harakat qilish orqali saraton rivojlanishiga qarshi kurashish mumkin. Ehtiyotkorlik choralarining eng yaxshisi chekmaslik! 30 % saraton ko‘rinishlari bevosita chekish bilan bog‘liqdir , deydi mutaxassis.
Merilenddagi Milliy saraton instituti mutaxassislarining aniqlashicha, chekishni tashlashga hech qachon kech emas. Ular 6 yil davomida 70 yoshdan yuqori 160 ming kishini kuzatishdi. Ular orasida kashandalar, chekishni tashlaganlar va umuman chekmaganlar ham bor. Tadqiqot mobaynida hali u oxiriga yetmasdan vafot etganlarning 12,1 % chekmaganlar, 33,1 % kashandalardir. 30 yoshigacha chekishni tashlaganlar orasida o‘lim holati 16,2 %ga kamaygan bo‘lsa, 60 yoshlarida chekishni tashlaganlar orasida bu ko‘rsatkich 27,9 %ni tashkil etdi. Shunday qilib, hattoki yuqori yoshda ham chekishdan voz kechish umrning uzayishiga yordam beradi.
Manba: fitrat.uz
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
