Ijtimoiy tarmoqlarda Samarqand shahridagi «zapravka»da yong‘in sodir bo‘layotgani aks etgan videotasvirlar keng tarqaldi. Mazkur holat yuzasidan Favqulodda vaziyatlar vazirligi ma’lumot berdi.
Bildirilishicha, bugun, 5 may kuni soat 11:13 da Samarqand shahar Buyuk Ipak yo‘li ko‘chasida joylashgan avtomobillarga yoqilg‘i quyish shoxobchasida yong‘in sodir bo‘lgan.
Mazkur holat yuzasidan yordam zarurligi to‘g‘risida viloyat Favqulodda vaziyatlar boshqarmasiga murojaat kelib tushgan. Ushbu xabarga asosan 5 ta qutqaruv bo‘linmasi soat 11:18 da hodisa joyiga yetib borib, yong‘in soat 11:30 da o‘rab olingan va soat 11:50 da to‘liq o‘chirilgan.
Favqulodda vaziyatlar vazirligi bergan ma’lumotlarga ko‘ra, hodisa oqibatida tan jarohati olganlar aniqlanmagan. Hozirda yong‘inning kelib chiqish sababi va yetkazilgan moddiy zarar miqdori aniqlanmoqda.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
O‘zbekistonliklar may oyida 14 kun dam oladi
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
