Samarqandda 23 yoshli ayolini ketmon bilan o‘ldirgan erkakka sud hukmi o‘qildi

Ma’lum qilinishicha, ushbu holat joriy yilning 14 iyul kuni soat 21:00 atrofida Urgut tumanida sodir bo‘lgan.

Oilaviy kelishmovchilik sabab kelib chiqqan janjal o‘lim bilan yakunlangan.

Aniqlanishicha, marhum ayol 23 yoshda bo‘lib, uning 2 nafar farzandi bo‘lgan.

Holat yuzasidan sud ishi Urgut tumani JIB sudida ko‘rib chiqildi. Bu haqda Oliy sud Matbuot kotibi Aziz Abidov xabar qildi.

Sud majlisida erkak ushbu holatni quyidagicha izohladi:

"Bilmay, behosdan qilgan jinoyatim uchun hammadan uzr so‘rayman. Kechiringlar",- deydi sudlanuvchi.

Sud hukmiga ko‘ra, sudlanuvchi erkak JKning 97-modda 2-qismi "j" bandi bilan aybdor deb topilib, unga nisbatan 19 yil muddatga ozodlikdan mahrum qilish jazosi tayinlandi.