«Liverpul» hujumchisi Muhammad Saloh muxlislar tomonidan APLning o‘tgan mavsumdagi eng yaxshi o‘yinchisi deb topildi.
Ovoz berish Angliya professional futbolchilar uyushmasi (PFA) tomonidan o‘tkazildi.
Misrlik 28 yoshli vinger yakunlangan mavsumda APLda 37ta o‘yin o‘tkazib, 22ta gol urdi va 5ta golga assistentlik qildi.
Avvalroq «Manchester Siti» havbeki Kevin de Bryuyne futbolchilar tomonidan, uning jamoadoshi Ruben Diash jurnalistlar talqiniga ko‘ra Premyer-liganing eng yaxshi o‘yinchisi sifatida e’tirof etilgandi.
