Ruminiya va Bolgariyada Yevropa Ittifoqining boshqa davlatlari bilan havo va dengiz chegaralarida chegara nazorati 31 martga o‘tar kechasi o‘z faoliyatini to‘xtatdi. Quruqlikdagi chegaralarda chegara nazorati vaqtincha davom ettiriladi.
Ruminiya va Bolgariyaning Shengen zonasiga to‘liq qo‘shilishiga migrantlar oqimining kuchayishi ehtimolidan xavotir sababli Avstriya tomonidan veto qo‘yilgan.
Bu ikki davlatning Yevropa Ittifoqi mamlakatlari bilan quruqlikdagi chegaralarida chegara nazoratini bekor qilish to‘g‘risidagi qaror Yevropa Ittifoqi Kengashi tomonidan qabul qilinishi kerak. Buxarest va Sofiya bu 2024 yil oxirigacha amalga oshishiga umid qilmoqda.
