Rossiyadagi jazoni ijro etish muassasalarida joylashgan Bolalar uyidan o‘zbekistonlik yosh bolalarni repatriasiya qilish tadbiri amaliyotda birinchi marta amalga oshirildi.
Mamlakatimizning Qozon shahridagi Bosh konsulxonasi uzoq vaqt davom etgan tadbirlar natijasida Rossiyaning Volgabo‘yi federal okrugidagi Mordoviya jazoni ijro etish muassasasida jazo o‘tayotgan O‘zbekiston fuqarolarining voyaga yetmagan bolalarini Vatanga qaytarish jarayonlarini muvaffaqiyatli yakunladi, deb xabar qilmoqda "Dunyo" AA.
O‘zbekiston Tashqi ishlar vazirligi va Bosh konsulxona diplomatlari tomonidan olib borilgan maqsadli muzokaralar samarasi o‘laroq, o‘zbekistonlik bolalarni Mordoviyadagi jazoni ijro etish muassasasi hududida joylashgan Bolalar uyidan olish bo‘yicha kelishuvga erishildi.
Voyaga yetmagan yurtdoshlarimiz diplomatlar, O‘zbekiston Ichki ishlar vazirligi va mamlakatimiz tibbiyot xodimlari hamrohligida qabul qilib olindi.
Ta’kidlash kerakki, Rossiyadagi jazoni ijro etish muassasalarida joylashgan Bolalar uyidan o‘zbekistonlik yosh bolalarni repatriasiya qilish tadbiri amaliyotda birinchi marta amalga oshirildi.
Havo harorati asta-sekin ko‘tarilishi kutilmoqda
Ertaga, 22 dekabr kuni yurtimiz bo‘ylab kutilayotgan ob-havo ma’lumoti bilan tanishing
AQSh Ukrainaning Rossiya hujumini to‘xtata olmasligini e’lon qildi
