Rossiyaning Kiyevga bergan zarbasi qurbonlari soni 23 kishiga yetdi

Rossiyaning 28 avgustga o‘tar kechasi Kiyevga uyushtirgan ommaviy zarbasi qurbonlari soni 23 kishiga yetdi, ulardan to‘rt nafari bola.

Bu haqda Kiyev davlat harbiy boshqarmasi boshlig‘i Timur Tkachenko o‘zining Telegram-kanalida ma’lum qilgan.

"Afsuski, Kiyevda halok bo‘lganlar soni 23 nafarga yetdi", — dedi u.

Avvalroq 21 kishi halok bo‘lgani xabar qilingandi.

Ukraina poytaxti meri Vitaliy Klichkoning aytishicha, hujumda kamida 63 kishi jarohatlangan, ulardan 35 nafari kasalxonaga yotqizilgan.