"Gap Rossiyaning Volgabo‘yi, Markaziy va Sibir mintaqalaridagi erkaklar koloniyalarida sodir bo‘layotgan kaltaklashlar haqida ketmoqda", deb yozadi nashr mahkumlarning qarindoshlari va tanishlariga tayanib.
"So‘nggi bir oy ichida kaltaklashlar kundalik tartibdagi harakatga aylangan, xuddi tekshiruvda saf tortishdek. Kim kolonniyaga tushsa, ularni urushga olib ketishyapti", — dedi tanishi Volga Federal okrugidagi koloniyada jazo muddatini o‘tayotgan manba.
Tula viloyatidan bir mahbusning yaqinlari koloniyaga OMON va FSB xodimlari kelib, kim duch kelsa, barchasini kaltaklashganini aytishgan.
"FSB xodimlari kelishi bilan 15 nafar rus bo‘lmagan mahbusga shartnoma imzolatishdi, qolganini “Lefortovo”ga olib ketishdi, yo‘lda agar shartnoma imzolamasanglar, “ishlaringni ekstremizm bilan bog‘laymiz” deb qo‘rqitishgan. Rus millatidagi mahbuslarni esa rahbariyat alohida chaqiradi, agar Mudofaa vazirligi bilan shartnoma imzolashdan bosh tortsa, ularni ham kaltaklaahadi", — degan mahbuslardan biri.
“Sibir.Realii” ma’lumotlariga ko‘ra, 2024 yil kuzidan boshlab ayrim koloniyalar yarmiga bo‘shab qolgan. Nashr suhbatdoshlarining tushuntirishicha, bu gumonlanuvchi va ayblanuvchilarni urushga to‘g‘ridan-to‘g‘ri vaqtinchalik saqlash hibsxonalaridan yollashayotgani bilan bog‘liq.
Isroil Turkiyaning qaroridan bezovta bo‘lmoqda
Er tezroq aylana boshladi – tadqiqot
"Men Falastin davlati mustaqilligi g‘oyasini qat’iy qo‘llab-quvvatlayman, biroq..."
