Rossiyaning Leningrad viloyatida 28 yoshli o‘zbekistonlik erkak mashinasida piyodani urib yubordi. Jabrlanuvchi voqea joyida halok bo‘ldi. Bu haqda 78.ru xabar berdi.
Hodisa 11 oktyabr kuni tunda Mini – Novinka avtomobil yo‘lining 1-kilometrida yuz bergan. O‘zbekiston fuqarosi Chevrolet Cruze avtomobilida yo‘lning qatnov qismida 50 yoshli erkakni belgilangan piyodalar o‘tish joyidan tashqarida urib yuborgan. Piyoda qoramtir rangli kiyimda, nur qaytaruvchi elementlarsiz bo‘lgan. U olgan tan jarohatlari oqibatida voqea joyida halok bo‘lgan.
Marhum muayyan yashash joyiga ega bo‘lmagan shaxs ekani aniqlangan. Haydovchining so‘zlariga ko‘ra, avariyadan oldin piyoda qatnov qismining o‘rtasida bo‘lgan va uzoqdan ko‘rinmagan. Hodisa tafsilotlari polisiya tomonidan o‘rganilmoqda.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
16 dekabr kuni yana izg‘irin sovuq qaytadi
