Jahon futbolida 200 mln yevrolik yana bir futbolchi paydo bo‘ldi

Transfermarkt Ispaniya chempionati (La Liga)da to‘p surayotgan eng qimmat futbolchilarni e’lon qildi.

Braziliyalik Vinisius Junior — La Liganing eng qimmat futbolchisi. Yangilangan reytingda 20 mln yevroga qimmatlagan Vinisiusning transfer narxi 200 mln yevroni tashkil etmoqda.

Vinisius Junior. Foto: RIA Novosti Sport

Shu tariqa Vinisius, Erling Holanddan so‘ng, narxi 200 mln yevroga chiqqan ikkinchi futbolchiga aylandi.

La Liganing eng qimmat futbolchilari (top-10)

• Vinisius Junior — €200 mln (Real)
• Jud Bellingem — €180 mln (Real)
• Kilian Mbappe — $180 mln (Real)
• Lamin Yamal — €150 mln (Barselona)
• Federiko Valverde — €130 mln (Real)
• Rodrigo — €110 mln (Real)
• Orelyen Tchuameni — €100 mln (Real)
• Eduardo Kamavinga — €100 mln (Real)
• Gavi — €90 mln (Barselona)
• Pedri — €80 mln (Barselona)

Hozirda «Real Madrid» jahondagi eng qimmat tarkibga ega jamoa bo‘lib turibdi — 1,7 mlrd yevro.