Rossiya Davlat dumasi oxirgi uchinchi o‘qishda mamlakatda raqamli rublni joriy etish to‘g‘risidagi qonunni qabul qildi, deb xabar berdi «Vedomosti».
Hujjatga ko‘ra, raqamli rubl platformasi ishlab chiqiladi, uning operatori Rossiya banki bo‘ladi. Ushbu tashkilotga yangi raqamli valyuta xavfsizligini ta’minlash funksiyalari ham yuklanadi.
Raqamli rublda siz kredit ololmaysiz yoki omonat ocholmaysiz. Ulardagi pul o‘tkazmalari va to‘lovlar fuqarolar uchun bepul bo‘ladi, lekin tadbirkorlar uchun emas: tadbirkorlardan summaning 0,3 foizi miqdorida komissiya undiriladi.
