Rossiya Trampning Putinga yuborgan xabariga munosabat bildirdi

Davlat dumasi deputati Svetlana Jurovaga ko‘ra, AQSh prezidenti Donald Trampning Rossiya rahbari Vladimir Putinga yuborgan xabarini AQShning maxsus vakili Stiv Vitkovning Moskvaga tashrifi bilan bog‘lash mumkin.

Avvalroq Tramp Ukraina prezidenti Vladimir Zelenskiy bilan uchrashuvdan so‘ng Putinga xabar yuborgani xabar qilingan. U uchrashuv juda yaxshi o‘tganini ta’kidlagan.

Jurova fikricha, Tramp bu yo‘l bilan Zelenskiyning mojaroni tinch yo‘l bilan hal qilish istagini bildirmoqchi. Deputatga ko‘ra, bu muloqot shakli Vitkovning Ukraina bo‘yicha muzokaralar uchun Moskvaga kelishi bilan bog‘liq.

“U Putinga muzokaralar davomida kelishib olingan hujjatni ko‘rsatadi, ehtimol foydalidek izohlar ham bor. Hech bo‘lmaganda tinchlik shartnomasining oraliq versiyasini olishimiz mumkin. Vitkov aniqroq takliflar kiritgandir”, — deydi parlament a’zosi.