Rossiya joriy yilning iyun oyida Ispaniyaga eng yirik gaz yetkazib beruvchiga aylandi.
Bu haqda Enagas energetika kompaniyasiga tayanib, “RIA Novosti” xabar bermoqda.
Hisobotga ko‘ra, iyun oyida Rossiya Ispaniyaga 7673 gigavatt-soat (GVt/soat) suyultirilgan gaz yetkazib bergan. Ta’minotning bu miqdori mamlakatdagi umumiy xaridlarning deyarli 27 foizini tashkil qiladi.
Ispaniya kompaniyasi ma’lumotlariga ko‘ra, jami 2023 yilning yanvaridan iyunigacha Ispaniya Rossiyadan 41 145 GVt/soat suyultirilgan gaz sotib olgan.
Eng yirik yetkazib beruvchilar qatoriga Jazoir va AQSh ham kirdi.
