Ma’lumotlarga ko‘ra, Rossiya armiyasi ilk bor Ukrainaning Sumi oblastidagi «Bolshaya Pisarivka» qishlog‘ida og‘ir «ODAB-1500» aviabombasini qo‘lladi.
BILD nashrining ochiq ma’lumotlarni tahlil qilish bo‘yicha eksperti Yulian Repke ta’kidlaganidek, «ODAB-1500» zarbasidan so‘ng, osmonda 1 km balandlikka tutun buluti ko‘tarilgan.
Uning qo‘shimcha qilishicha, ushbu bomba SSSR davridan qolgan termobarik snaryad bo‘lib, nishonga tegishidan taxminan 10 metr oldin aerozol ko‘rinishidagi yonuvchi suyuqlikni chiqarib, uni yoqadi.
«Bu hajmli portlash deb ataladi. Ushbu turdagi o‘q-dorilar klassik o‘q-dorilarga qaraganda ko‘proq vayron qiluvchi kuchga ega».
