Ishg‘ol qilingan Melitopolda 15-sonli maktabda Rossiya Milliy gvardiyasi vakillari tomonidan harbiy kiyimdagi o‘smirlarni taqdirlash marosimi bo‘lib o‘tdi. Videoni ishg‘ol hokimiyatining o‘zlari tarqatgan va mahalliy telekanallardan biri to‘g‘ridan-to‘g‘ri tadbir maqsadini aytgan. Aslida gap ukrainalik bolalarni Rossiya armiyasida xizmat qilishga majburlash haqida ketmoqda.
Marosimni Rossiya Milliy gvardiyasi maxsus kuchlari bo‘linmasi xodimi “Sarmat” chaqiruv belgisi bilan olib bordi – bu Rossiyaning qit’alararo raketasi bilan bir xil. Telekanal ma’lumotlariga ko‘ra, maktab o‘quvchilari “namunali o‘qishi va jamoat hayotidagi faol ishtiroki uchun” taqdirlangan.
Ukrainaning janubi-sharqiy qismini bosib olish boshlanganidan beri Rossiya ushbu hududdan safarbarlik uchun foydalanmoqda: 2014 yildan beri Donbass va Qrimning minglab aholisi, 2022 yildan beri esa Xerson va Zaporoje viloyatlari aholisi majburan armiyaga olib ketilgan.
Rossiya armiyasi safida allaqachon o‘zini topib olgan ukrainaliklar ularning ahvoli rus askarlarinikidan yomonroq ekanligidan shikoyat qiladilar: masalan, ular asirlar almashinuvida deyarli qatnashmaydilar.
Rossiyada ayrim migrantlarga patentsiz ishlashga ruxsat berildi
Rossiya aviasiyasi 138 ta tumanda Ukraina harbiy-sanoat kompleksi ob’ektlarini yo‘q qildi
Ukraina qurolli kuchlari rus qo‘shinlarining mudofaasini yorib o‘tib, Rossiyaning Belgorod viloyatidagi qishloqda mustahkamlandi
