Rossiya alyansga qarshi «ochiq urush» olib boryapti

NATO bosh kotibi Rossiya alyansga qarshi «ochiq urush» olib borayotganini aytdi.

Mark Ryuttening ta’kidlashicha, Moskva go‘yoki NATO ob’ektlarida kiberhujumlar, buzib kirish va sabotaj qilish, shuningdek, Yevropa Ittifoqi chegaralaridagi vaziyatni beqarorlashtirishda ishtirok etgan.

Rossiyaga nisbatan tegishli ayblovlarni ilgari surar ekan, Ryutte Yevropa xalqaro siyosiy voqealar rivojiga munosabatini o‘zgartirishi va «harbiy tafakkur»ga o‘tishi kerakligini ta’kidladi.