Rosatom Erdo‘g‘onning taklifini ma’lum qildi

Rosatom Turkiya prezidenti Rajab Toyyib Erdo‘g‘andan mamlakatda ikkinchi atom elektr stansiyasini qurish bo‘yicha taklif oldi. Bu haqda 25-oktabr kuni davlat korporasiyasi rahbari Aleksey Lixachev RT telekanaliga bergan intervyusida ma’lum qildi.

«Bu Turkiya prezidenti janob Erdo‘g‘onning bizga bergan taklifidir. Bu haqda u Rossiya prezidenti Vladimir Putin bilan gaplashgan. Hozir esa biz hukumat darajasida Qora dengizda joylashgan Sinop uchastkasida Turkiyadagi ishtirokimizni kengaytirish bo‘yicha maslahatlashuvlar olib bormoqdamiz», — dedi Lixachev.

7 oktabr kuni Rossiya Bosh vaziri o‘rinbosari Aleksandr Novak Rossiya Sinop maydonida Turkiyadagi ikkinchi atom elektr stansiyasini qurish imkoniyatlarini o‘rganayotganini va bu loyiha uchun optimal yechim tayyorlayotganini aytdi.