Saudiya Arabistoni chempionatida peshqadamlik qilayotgan “An-Nasr” bosh murabbiyi Jorje Jezush katta ehtimol bilan joriy mavsum tugagach, jamoani tark etadigan bo‘lyapti.
Portugaliyaning A Bola nashri ma’lumotiga ko‘ra, 71 yoshli mutaxassis allaqachon klub rahbariyatini o‘z qarori haqida xabardor qilgan.
Xabar qilinishicha, Jezush Saudiya Arabistonidagi faoliyatini yakunlab, boshqa mamlakatda ishlash variantlarini ko‘rib chiqmoqchi.
Shu bilan birga, mavsum oxirigacha murabbiy bor e’tiborini jamoa vazifalariga qaratgan va ehtimoliy ish beruvchilar bilan muzokara olib borishni rejalashtirmayapti.
Hozirda “An-Nasr” chempionlik uchun kurashni davom ettirmoqda, shuningdek Osiyo Chempionlar ligasi-2 finaliga tayyorgarlik ko‘ryapti. Krishtianu Ronaldu boshchiligidagi jamoa finalda Yaponiyaning “Gamba Osaka” klubiga qarshi maydonga tushadi.
Shu bilan bir vaqtda, may oyi oxirida Jezushning Lissabonda “Fenerbahche” vakillari bilan uchrashuvi rejalashtirilgan.
Turkiya klubi murabbiyga mavsum uchun taxminan 15 million yevro maoshli shartnoma taklif qilishga tayyor va bu uning murabbiylik faoliyatidagi eng yirik bitim bo‘lishi mumkin.
Ronaldu shokda! “An-Nasr” darvozaboni o‘ziga gol urib, chempionlikni ortga surdi
«Barselona» rahbari «Real» prezidentiga keskin javob qaytardi
Transfermarkt O‘zbekiston chempionatining eng qimmat futbolchilarini ma’lum qildi (top-10)
