Саудия Арабистони чемпионатида пешқадамлик қилаётган “Ан-Наср” бош мураббийи Жорже Жезуш катта эҳтимол билан жорий мавсум тугагач, жамоани тарк этадиган бўляпти.
Португалиянинг A Bola нашри маълумотига кўра, 71 ёшли мутахассис аллақачон клуб раҳбариятини ўз қарори ҳақида хабардор қилган.
Хабар қилинишича, Жезуш Саудия Арабистонидаги фаолиятини якунлаб, бошқа мамлакатда ишлаш вариантларини кўриб чиқмоқчи.
Шу билан бирга, мавсум охиригача мураббий бор эътиборини жамоа вазифаларига қаратган ва эҳтимолий иш берувчилар билан музокара олиб боришни режалаштирмаяпти.
Ҳозирда “Ан-Наср” чемпионлик учун курашни давом эттирмоқда, шунингдек Осиё Чемпионлар лигаси-2 финалига тайёргарлик кўряпти. Криштиану Роналду бошчилигидаги жамоа финалда Япониянинг “Гамба Осака” клубига қарши майдонга тушади.
Шу билан бир вақтда, май ойи охирида Жезушнинг Лиссабонда “Фенербаҳче” вакиллари билан учрашуви режалаштирилган.
Туркия клуби мураббийга мавсум учун тахминан 15 миллион евро маошли шартнома таклиф қилишга тайёр ва бу унинг мураббийлик фаолиятидаги энг йирик битим бўлиши мумкин.
Роналду шокда! “Ан-Наср” дарвозабони ўзига гол уриб, чемпионликни ортга сурди
«Барселона» раҳбари «Реал» президентига кескин жавоб қайтарди
Transfermarkt Ўзбекистон чемпионатининг энг қиммат футболчиларини маълум қилди (топ-10)
