"Real" Kurtuaga yulduz o‘rinbosar topib qo‘ydi

Madridning "Real" klubi yulduzi darvozaboni Tibo Kurtua Madrid klubini tark etishi mumkin.

Belgiyalik darvozabonning shartnomasi 2026 yilning yozida tugaydi va Kurtua hali uni uzaytirgani yo‘q. Agar madridliklar Tibo bilan yangi shartnoma borasida kelisha olmasa, u holda "Real" yangi darvozabon bilan tarkibini kuchaytiradi. Eng ehtimoliy variant - "PSJ"ning italiyalik darvozaboni Janluiji Donnarumma. Italiyalik futbolchini 2026 yilning yozida "Real" tekinga o‘z safiga qo‘shib olishi mumkin.

Donnarumma joriy mavsumda "PSJ" safida 16 ta o‘yinda maydonga tushib, 15 ta gol o‘tkazib yubordi va 5 marta o‘z darvozasi daxlsizligini saqlab qoldi.