Rahmonaliyev Angliya, Ispaniya va Norvegiyaga boradi

Monako shahrida 2026/2027 yilgi mavsum UYEFA Chempionlar Ligasining asosiy bosqichiga qur’a tashlash marosimi bo‘lib o‘tdi.

Ushbu musobaqa tarixida birinchi marta Ozarbayjonning «Sabax» jamoasi asosiy bosqichda ishtirok etadi. Klub bu bosqichgacha yetib kelish uchun bir nechta saralash raundlaridan muvaffaqiyatli o‘tdi.

Qur’a natijalari e’lon qilingach, ko‘plab futbol mutaxassislari «Sabax» juda og‘ir guruhga tushganini ta’kidlashdi.

Ozarbayjon klubining raqiblari quyidagicha shakllandi: «Barselona» (o‘z maydonida), «Arsenal» (safarda), Dortmundning «Borussiya»si (o‘z maydonida), «Manchester Yunayted» (safarda), «Napoli» (o‘z maydonida), «Vilyarreal» (safarda), Praganing «Slaviya»si (o‘z maydonida) va «Viking» (safarda).

Boku klubi safida o‘zbekistonlik legioner Umarali Rahmonaliyev ham to‘p surmoqda. 22 yoshli yarim himoyachimiz Chempionlar ligasi saralash raundlari va pley-off bosqichida jami sakkizta uchrashuvda ishtirok etib, o‘z hisobiga bittadan gol va assist rasmiylashtirib qo‘ydi.

Eslatib o‘tamiz, amaldagi chempionlik sohibi Fransiyaning «PSJ» klubi hisoblanadi. Parij jamoasi o‘tgan mavsum finalda «Arsenal»ga qarshi bahsda 11 metrli jarima udarlari seriyasida g‘alaba qozonib, kubokni qo‘lga kiritgan edi.