Qo‘shma Shtatlar Ukraina va Rossiya o‘rtasida vositachi bo‘ladi

Bu haqda AQSh prezidentining Ukraina bo‘yicha maxsus vakili Kit Kellog ma’lum qildi.

Myunxen xavfsizlik konferensiyasidagi chiqishida Kellog shuningdek, muzokaralar stolida Ukraina bo‘lishini, lekin Yevropa qatnashmasligini ta’kidladi.

Kellogning boshqa bayonotlari:

◾️ Hozircha tinchlik muzokaralari qanday bo‘lishini aniq aytish qiyin;

◾️ O‘t ochishni to‘xtatish va tinchlik shartnomasi Ukraina uchun katta yutuq bo‘lmasligi mumkin;

◾️ Kelishuvning muvaffaqiyati o‘t ochish to‘xtatilganidan keyin u birinchi bor buzilganda, barcha tomonlar bunga qanday javob berishiga qarab aniqlanadi;

◾️ Tramp AQShning manfaatlaridan voz kechmaydi;

◾️ Trampning asosiy maqsadi urushni butunlay to‘xtatish va Ukrainani suveren hamda xavfsiz davlatga aylantirish;

◾️ Ukrainaning urushdagi yo‘qotishlari AQShning Vyetnam va Koreya urushlaridagi yo‘qotishlaridan uch baravar ko‘p. Tramp buni to‘xtatmoqchi;

◾️ Rossiya bilan muzokalralarga Stiv Uitkoff mas’ul. Ukraina va Yevropa bilan muzokaralar meni zimmamda. Bu yondashuv tezkor qaror qabul qilish uchun tanlangan;

◾️ Ukraina va Rossiya tezroq o‘t ochishni to‘xtatishga qaror qilishlari kerak;

◾️ Qo‘shma Shtatlar Ukrainani moliyalashtirishda davom etadi, ammo odamlarning qurbon bo‘lishiga chek qo‘yish kerak.