Qozog‘istondagi suv toshqinlari tufayli yetti viloyatdagi aholi punktlaridan 10 mingdan ortiq odam evakuasiya qilindi.
Bu haqda Respublika Favqulodda vaziyatlar vazirligi matbuot xizmati xabar berdi, deb yozadi «Report».
Qutqaruv ishlariga 6 mingdan ortiq odam, 2 mingga yaqin texnika va 12 samolyot jalb etilgan.
Qozog‘iston Favqulodda vaziyatlar vazirligining so‘nggi ma’lumotlariga ko‘ra, Aqto‘be, Qo‘stanay, G‘arbiy Qozog‘iston, Abay, Ulitau va Aqmo‘la viloyatlarining bir qator tumanlarida keng ko‘lamli suv toshqinlari tufayli mahalliy favqulodda holat e’lon qilingan.
