Qozog‘istondagi portlash oqibatida olti kishi halok bo‘ldi

Qozog‘istonning Akmola viloyati, Shuchinsk shahridagi kafeda gaz portlashi va yong‘in sodir bo‘ldi. Dastlabki ma’lumotlarga ko‘ra, taxminan 20 kishi jarohatlangan va olti kishi halok bo‘lgan.

Viloyat favqulodda vaziyatlar boshqarmasi matbuot xizmati voqea haqida xabar berdi.

“Shuchinsk shahrida, Burabay tumanida, besh qavatli turar-joy binosiga ulangan bir qavatli kafeda gaz portlashi va undan keyingi yong‘in sodir bo‘ldi. O‘t o‘chiruvchilar yonayotgan binodan sakkizta gaz ballonini olib chiqib, 10 dan ortiq odamni qutqardilar. Dastlabki ma’lumotlarga ko‘ra, hodisa natijasida taxminan 20 kishi jarohatlangan va olti kishi halok bo‘lgan”, deyiladi bayonotda.