Qozog‘iston Qurolli Kuchlari Havo hujumidan mudofaa kuchlarining vertolyot ekipajlari mahalliy aholini suv toshqinlari oqibatlaridan qutqarish, oziq-ovqat, issiq kiyim va birinchi zarur mahsulotlarni yetkazib berishda ishtirok etishda davom etmoqda, deb xabar berdi Qozog‘iston Mudofaa vazirligi matbuot xizmati.
Qutqaruv ishlari Aqto‘be, Qostanay va Abay viloyatlarida olib borilmoqda.
30 mart kuni harbiy uchuvchilar 38 marta parvoz qildi. Umumiy parvoz vaqti 15 soatdan oshdi. 222 kishi evakuasiya qilindi.
Favqulodda vaziyatlar xizmatining 19 nafar mutaxassisi ming kilogramm og‘irlikdagi qutqaruv texnikasi bilan halokat sodir bo‘lgan hududlarga safarbar etilgan. Evakuasiya markazlariga 10 tonnalik gumanitar yordam yetkazildi.
Havo mudofaasi kuchlari xodimlari ekstremal sharoitlarda kechayu kunduz ishlamoqda. Qutqaruv ishlariga 7 ta vertolyot jalb etilgan.
