Qozog‘iston Mudofaa vazirligi mamlakat janubida harbiy uchuvchisiz uchish apparati (dron) qulab tushgani haqida xabar berdi. Bu haqda Qozog‘iston ommaviy axborot vositalari xabar qilmoqda.
«2 iyun kuni Qozog‘iston Respublikasi Qurolli kuchlari Havo hujumidan mudofaa kuchlariga qarashli uchuvchisiz uchish apparatining rejaviy o‘quv-mashg‘ulot parvozi chog‘ida Jambil viloyati Talas tumani hududiga nostandart qo‘nish holati yuz berdi», — deyiladi xabarda.
Mudofaa vazirligi ma’lumotlariga ko‘ra, hodisa oqibatida jabrlanganlar va vayronagarchiliklar yo‘q.
Hodisaga texnik nosozliklar sabab bo‘lgan bo‘lishi mumkin.
Yuz bergan voqeaning barcha tafsilotlarini aniqlash uchun voqea joyiga maxsus komissiya yuborildi. Ayni paytda qulash hududini tekshirish va hodisa sabablarini aniqlash chora-tadbirlari olib borilmoqda.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
"EIning barcha davlatlari bu mavzuda ovozini o‘chirishi kerak"
