Qozog‘iston bosh vaziri Ukrainadagi vaziyat yuzasidan To‘qayevning topshirig‘iga binoan tezkor yig‘ilish o‘tkazdi

Qozog‘iston bosh vaziri Oljas Bektenov prezidentning Ukraina atrofidagi vaziyat bilan bog‘liq muhim harbiy va fuqarolik ob’ektlarini zudlik bilan xavfsizlik choralarini ko‘rish bo‘yicha topshiriqlarini bajarish bo‘yicha tezkor yig‘ilish o‘tkazdi. Bu haqda hukumat matbuot xizmati xabar bermoqda.

Yig‘ilishda mudofaa, ichki ishlar, favqulodda vaziyatlar, tashqi ishlar, sog‘liqni saqlash, transport, energetika, sanoat va qurilish, milliy iqtisodiyot, moliya vazirliklari rahbarlari ishtirok etdi.

Mudofaa vaziri Ruslan Yaxshiliqov strategik va infratuzilma ob’ektlarini qo‘riqlash bo‘yicha olib borilayotgan ishlar haqida ma’lumot berdi.

Bektenov davlat organlari faoliyatini kuchaytirish bo‘yicha barchaning oldiga qator vazifalarni qo‘ydi.

Barqarorlik va jamoat tartibini saqlash, transport kommunikasiyalari xavfsizligi, hayotni ta’minlash ob’ektlari faoliyati va boshqalarga alohida e’tibor qaratildi.

Vakolatli tuzilmalar rahbariyatiga Prezident topshiriqlari ijrosi ustidan alohida nazoratni ta’minlash, vaziyat o‘zgarishi to‘g‘risida zudlik bilan hisobot berish topshirildi.

Avvalroq Qozog‘iston prezidenti matbuot kotibi Berik Uali davlat rahbari Qosim-Jomart Tokayev bosh vazir, prezident ma’muriyati rahbari, barcha huquq-tartibot idoralari rahbarlari va hokimlarga shoshilinch choralar ko‘rishni topshirganini ma’lum qilgandi. Ukraina atrofida vaziyatning keskinlashuvi munosabati bilan asosiy harbiy va fuqarolik ob’ektlari xavfsizligini ta’minlash choralari.

Rossiya prezidenti Vladimir Putin 21 noyabr kungi murojaatida Ukraina armiyasi Rossiya hududiga hujum qilish uchun G‘arbning uzoq masofali ATACMS va Storm Shadow raketalaridan foydalanganiga javoban Rossiya "Oreshnik" eksperimental ballistik raketa tizimini sinovdan o‘tkazganini va Dneprga hujum boshlaganini aytdi.