2025-yil 1-yanvardan Qozog‘iston rasman BRIKS hamkor-davlatiga aylanadi. Ma’lumotni Qozog‘iston tashqi ishlar vazirligi tasdiqladi, deb yozadi Tengrinews.kz.
Eslatib o‘tamiz, avvalroq Rossiya prezidenti yordamchisi Yuriy Ushakov Rossiya BRIKS bo‘yicha hamkor bo‘lishga tayyorligi haqidagi tasdiqnomani qator davlatlar, jumladan, Qozog‘istondan olganini ma’lum qilgandi.
“Qozondagi sammit arafasida u yoki bu maqomda BRIKS faoliyatiga qo‘shilish uchun 35 ta ariza kelib tushdi. Ba’zi davlatlar darhol to‘liq ishtirok etishni xohlashdi, boshqalari tanlangan tadbirlarda kuzatuvchi sifatida ishtirok etishni xohlashdi. Shubha yo‘qki, sammitning muhim natijalaridan biri BRIKS bo‘yicha hamkor davlatlar toifasining belgilanishi va 13 davlat ro‘yxati bo‘yicha kelishuv bo‘ldi. Bu davlatlarga tegishli takliflar yuborildi. Bugunga kelib ularning BRIKS bo‘yicha hamkor davlat bo‘lishga tayyor ekanliklari Belarus, Boliviya, Indoneziya, Qozog‘iston, Kuba, Malayziya, Tailand, Uganda va O‘zbekistondan keldi”, — dedi Rossiya prezidenti yordamchisi brifingda.
Unga ko‘ra, 2025-yil 1-yanvardan boshlab ular rasman BRIKS bo‘yicha hamkor davlat maqomini oladi.
Avvalroq prezident maslahatchisi va matbuot kotibi Berik Uali Qozog‘iston davlati rahbari Qosim-Jomart Tokayevga Qozog‘istonning BRIKSga qo‘shilishi bo‘yicha takliflar kelib tushgani haqida xabar bergan edi. Uali bu takliflar prezident tomonidan diqqat bilan ko‘rib chiqilib, uning topshirig‘iga ko‘ra tegishli idoralar tomonidan Qozog‘iston milliy manfaatlari nuqtai nazaridan tahlil qilinayotganini ta’kidladi.
Rossiya olti davlat elchixonalariga hujum qildi
Britaniya rekord miqdordagi askarini yo‘qotdi
«Og‘ir kunlar oldinda»: ruslar Xersonga bostirib kirdi
