Qirg‘izistonda AQShdan noqonuniy qurol olib o‘tuvchi kanal aniqlandi

Jinoiy guruh Qirg‘iziston orqali AQShdan Rossiyaga o‘qotar qurol va o‘q-dorilarni noqonuniy yetkazib berish va sotish bo‘yicha xalqaro kanalni tashkil qilgan.

Qirg‘iziston Respublikasi Milliy xavfsizlik davlat qo‘mitasi ma’lumotlariga ko‘ra, 2022 yil aprelidan hozirgacha Qirg‘iziston, Rossiya va AQSh fuqarolaridan iborat transmilliy guruh hisobga olinmagan «Glok», «CZ», «SIG SAUER» markali to‘pponchalarni avtomatlari, «AR-15», 5,56-223 mm kalibrli «SIG SAUER» vintovkalari, «Benneli» miltiqlari va ular uchun o‘q-dorilarni tashish va sotish uchun barqaror kanal yaratgan.

Foto: Qirg‘iziston Respublikasi MXDQ

“Qirg‘iziston fuqarosi S.M. va Amerika Qo‘shma Shtatlaridagi boshqa shaxslar ishlab chiqaruvchilarning saytlaridan o‘qotar qurollarni sotib olib, turli xil video apparaturalari bahonasida ularni Qirg‘izistonga pochta orqali jo‘natishgan va u erda foydalanish uchun tayyor bo‘lgan o‘qotar qurolning asosiy qismlarini yig‘ishgan. Keyin ular noqonuniy sotish uchun Rossiyaga jo‘natilgan”, – deyiladi xabarda.

Foto: Qirg‘iziston Respublikasi MXDQ

Ma’lum bo‘lishicha, qayd etilgan davrda Qirg‘iziston hududi orqali Rossiyaga 300 dan ortiq qurol olib o‘tilgan, asosiy buyurtmachilar esa jinoyat olami vakillari bo‘lgan

“2025 yil 23 yanvar kuni AQShdan navbatdagi tovarni qabul qilib olayotganda Qirg‘iziston fuqarosi S.M. qo‘lga olindi. Undan 2 ta 5,56-223 mm kalibrli vintovkaning va 1 dona «Glok-34» to‘pponchasining asosiy qismlari olib qo‘yildi”, – deb xabar berdi maxsus xizmat.

Fuqaro qo‘lga olinib, Qirg‘iziston Respublikasi MXDQ vaqtinchalik saqlash hibsxonasiga joylashtirildi.