Putin Xitoyga quvur o‘tkazish evaziga Mo‘g‘ulistonga yoqilg‘i va gazga chegirmalar taklif qildi

Rossiya Xitoy tomon «Sibir kuchi-2» quvuri qurilsa, Mo‘g‘ulistonga «arzon gaz» yetkazib berish imkoniyatini ko‘rib chiqmoqda, dedi prezident Vladimir Putin Mo‘g‘ulistonning «Onoodor» gazetasiga bergan intervyusida.

Putinning so‘zlariga ko‘ra, Mo‘g‘ulistonga neft mahsulotlarini chegirma bilan yetkazib berish bo‘yicha ham hukumatlararo kelishuv tayyorlanmoqda.

«Mo‘g‘ul do‘stlarning yoqilg‘iga bo‘lgan ehtiyojni imtiyozli narxlarda qondirishda yordam so‘rashlariga Moskva doimo javob beradi», dedi Putin.

Uning qo‘shimcha qilishicha, Rossiya va Mo‘g‘ulistonni «o‘n yillik samarali hamkorlik bog‘lab turadi» va u bilan hamkorlikni rivojlantirish «Rossiya tashqi siyosatining ustuvor yo‘nalishlaridan biri bo‘lib kelgan va shunday bo‘lib qoladi».

2 sentyabr kuni Putin so‘nggi 5 yil ichida ilk bor Mo‘g‘ulistonga rasmiy tashrif bilan keldi. Mamlakat o‘z hududidan «Sibir kuchi-2» quvuri o‘tishi kerak bo‘lgan mintaqa. Kremlga ko‘ra, loyiha quvvati yiliga 50 milliard kub metr bo‘lgan yangi quvur «Gazprom»ning Yevropa gaz bozoridagi yo‘qotilishining o‘rnini bosishi mumkin.