Putin vaqtni cho‘zmoqda!

Tramp Putin vaqtni cho‘zayotganini ta’kidlamoqda. AQSh keskin choralar ko‘rishga tayyor.

AQSh prezidenti Donald Tramp Rossiya rahbariyati Ukrainada o‘t ochishni to‘xtatish bo‘yicha "muzokaralarni ataylab cho‘zayotgani"ni aytmoqda. Bu haqda Fox News muxbiri Jeki Xaynrix muzokaralar jarayonidan xabardor manbaga asoslanib xabar berdi.

Suhbatdoshning so‘zlariga ko‘ra, Tramp Rossiya prezidenti Vladimir Putindan "hafsalasi pir bo‘lgan".

Muxbirning ta’kidlashicha, Oq uy cheklovlarni chetlab o‘tib neft tashiyotgan Rossiyaning "soya floti"ga zarba beradigan "kuchli sanksiyalarni qo‘llash" imkoniyatini ko‘rib chiqmoqda.

"Menga ma’lum qilinishicha, hozirda sanksiyalarga rioya etilishi ustidan nazorat past darajada - norasmiy ravishda u taxminan "10 dan 3" balli tizimda baholanmoqda. Boltiq dengizi orqali noqonuniy neft tashiyotgan Rossiyaning "soya floti" faoliyatini to‘xtatish bosim o‘tkazish uchun oson nishonga aylanishi mumkin," deya yozgan Xaynrix.