Vladimir Putin Rossiya musulmonlarini Qurbon hayiti bilan tabrikladi. Bu haqda Kreml matbuot xizmati xabar berdi.
“Har bir musulmon uchun ahamiyatli bo‘lgan ushbu diniy bayram Qur’oni karimning asosi — taqvodorlik, adolat va rahm-shafqat, yaqinlarga bo‘lgan sevgi ramzi hisoblanadi. Shuni ta’kidlashni istardimki, ko‘p asrlik islomiy an’analarni qo‘llab-quvvatlab, musulmonlar mamlakatimizning madaniy xilma-xilligini saqlashga salmoqli hissa qo‘shmoqda. Jamiyatda millatlararo totuvlikni mustahkamlashda ularning hissasi katta", — dedi Putin.