Владимир Путин Россия мусулмонларини Қурбон ҳайити билан табриклади. Бу ҳақда Кремль матбуот хизмати хабар берди.
“Ҳар бир мусулмон учун аҳамиятли бўлган ушбу диний байрам Қуръони каримнинг асоси — тақводорлик, адолат ва раҳм-шафқат, яқинларга бўлган севги рамзи ҳисобланади. Шуни таъкидлашни истардимки, кўп асрлик исломий анъаналарни қўллаб-қувватлаб, мусулмонлар мамлакатимизнинг маданий хилма-хиллигини сақлашга салмоқли ҳисса қўшмоқда. Жамиятда миллатлараро тотувликни мустаҳкамлашда уларнинг ҳиссаси катта", — деди Путин.