Putin Pezeshkianga qanday sovg‘alar berdi?

Rossiya prezidenti Vladimir Putin Eron prezidenti Mas’ud Pezeshkianga rus sovg‘alarini taqdim etdi. Bunga oid video jurnalist Pavel Zarubinning Telegram kanalida e’lon qilindi.

"Janob prezident, Rossiya xotirasiga," deya Putin Kreml zallaridan birida namoyish etilayotgan sovg‘alarni ko‘rsatdi. "Rossiya qishda mana shunday ko‘rinishga ega," dedi Putin, qor qoplagan o‘rmon tasvirlangan suratga ishora qilib.

Putinning yana bir sovg‘asi samovar bo‘ldi: "Bu esa bizning an’anaviy buyumimiz – samovar." "Biz ham uni samovar’ deymiz!" deya ta’kidladi Pezeshkian, shundan so‘ng prezidentlar bir-birining qo‘lini siqishdi.