"PSJ" "Manchester Yunayted" yarim himoyachisiga ko‘z tikmoqda. Gap o‘tgan yozdan beri jamoa sardori bo‘lib kelayotgan Brunu Fernandesh haqida ketmoqda.
Oldinroq portugaliyalik futbolchi ushbu transfer oynasida "Old Trafford"ni tark etishi mumkinligi haqida xabar berilgandi. Jurnalist Tanzi Olichning ma’lumotlariga ko‘ra, "PSJ" bosh murabbiyi Luis Enrike 2020 yilning yanvaridan buyon "Manchester Yunayted"da o‘ynaytgan Fernandeshning nomzodini juda yoqtirmoqda.
Angliya Premyer-ligasining so‘nggi mavsumida 29 yoshli Fernandesh 35 uchrashuvda 10 ta gol va 8 ta golli uzatmani amalga oshirdi. Portugaliyalik futbolchi o‘zining 4 ta golini penaltidan kiritdi.
