«PSJ» «Jordan» brendidan yangi libos to‘plamini taqdim etdi

"Pari Sen-Jermen" klubi Nike kompaniyasiga tegishli bo‘lgan «Jordan» brendining 2024/2025 mavsumi uchun to‘rtinchi libos to‘plamini taqdim etdi.

"Ushbu futbolka nafosat va texnik xususiyatlarni o‘zida mujassam etgan. «Jordan» Wings logotipidagi qanot shaklidagi bezaklar bilan bezatilgan bo‘lib, u "PSJ" va "Jordan Brand" o‘rtasidagi birdamlik ramzidir", — deyiladi klubning rasmiy saytidagi bayonotda.

17 o‘yindan so‘ng, "PSJ" Fransiya Liga 1 2024/2025 mavsumining turnir jadvalida 43 ochko to‘plab peshqadamlik qilmoqda.