Murosasiz o‘tgan musobaqa yakunida hakamlarning yakdil qaroriga ko‘ra, hamyurtimizning g‘alabasi e’tirof etildi.
Turnirning asosiy jangi yengil vazn (61,2) toifasida rossiyalik Tokio-2020 Olimpiadasi chempioni Albert Batirgaziyev va kubalik Lasaro Alvaresga o‘rtasida kechdi.
Jang to‘liq 10 raund davom etdi va yakunda Batirgaziyev hakamlarning qarori bilan ochkolar hisobiga ko‘ra, g‘alaba qozondi. Professional ringdagi 11-g‘alabasini tantana qilgan Albert IBA chempionlik kamari bilan birga 300 ming AQSh dollari miqdoridagi gonorarni ham qo‘lga kiritdi. Faoliyatidagi ilk mag‘lubiyatini qabul qilgan Lasaro Alvares esa 200 ming dollarga ega bo‘ldi.
Eslatib o‘tamiz, mazkur boks oqoshomidagi janglarni mamlakatimizning nomdor bokschilari Bahodir Jalolov, Hasanboy Do‘smatov, shuningdek Asadxo‘ja Mo‘ydinxo‘jayev O‘zbekiston boks federasiyasi bosh kotibi Shohid Tillaboyev hamrohligida kuzatdi.