O‘zbekiston Respublikasi prezidenti tomonidan Buxoro viloyatida avtobusdagi gaz balloni portlab ketishi oqibatida vafot etganlarning oilasiga moddiy yordam pullari ajratildi. Bu haqda Buxoro viloyati IIB Kun.uz’ga ma’lum qildi.
Qayd etilishicha, vafot etganlarning oilasiga 10 mln. so‘mdan, og‘ir tan jarohati olganlarga 5 mln. so‘mdan va qolgan jarohatlanganlarga 2 mln. so‘mdan moddiy yordam pullari ajratib berilgan.
Marhumlarning janoza marosimlari uchun barcha xarajatlar Vobkent tuman hokimligi tomonidan amalga oshirilmoqda.
Bundan tashqari, aniqlanishicha, Qorovulbozor tumanidagi “Rahmon Ahmad” fermer xo‘jaligi raisi R.Ahmedov, Vobkent tumani “Pushmon” MFY, “Xayrabodcha” qishlog‘ida yashovchi G.Roziqova tomonidan 25 nafar fuqarolardan iborat qishloq xo‘jaligi ishlariga jalb qilish uchun tashkil qilingan mavsumiy madad guruhi bilan kuniga har bir ishchiga 25 ming so‘m haq to‘lash evaziga fermer xo‘jaligida ekilgan makkajo‘xori boshoqlarini terish, shuningdek jabrlanganlarning so‘ziga ko‘ra, paxta terish uchun og‘zaki kelishib, Vobkent tumanidan Qorovulbozor tumaniga olib ketayotgan vaqtda ushbu hodisa sodir bo‘lgan.
19 may kuni yomg‘ir yog‘ishi mumkin bo‘lgan hududlar e’lon qilindi
Alisher Qodirov Rossiya Davlat dumasi spikeriga javob qaytardi
Samarqandda uyi qulagan fuqaro qo‘shnisidan 300 ming dollar talab qildi
