Polshada 16 ta dron qoldiqlari topildi

Chorshanba kuni kechqurun Polshada 16 ta uchuvchisiz uchish apparati qoldiqlari topildi.

Bu haqda Polsha ichki ishlar va ma’muriyat vazirligi ma’lum qildi.

"16 ta dronning qoldiqlari topildi", — deyiladi xabarda.

Boshqarmaning qo‘shimcha qilishicha, bo‘limga bo‘ysunuvchi xizmatlar, birinchi navbatda, ichki ishlar organlari, chegara qo‘shinlari va Davlat yong‘in xavfsizligi xizmati xodimlari faol ish olib bormoqda va doimiy shay holatda.

Avvalroq Polsha Ichki ishlar vazirligi matbuot kotibi Karolina Galeska "kelib chiqishi noma’lum" raketa qoldiqlari va 12 ta dron bo‘laklari topilgani haqida xabar bergan edi.

Bungacha Polsha qurolli kuchlarining operativ qo‘mondonligi mamlakat havo hududida chegarani buzgan uchuvchisiz uchish ob’ektlarini zararsizlantirish bo‘yicha operasiya o‘tkazilgani haqida e’lon qilgan edi. Polsha va NATO ittifoqchilarining samolyotlari ogohlantirildi, ularga qarshi qurol ishlatdi, ob’ektlar urib tushirildi. Polsha va NATO havo hujumidan mudofaa kuchlari, aviasiya yuqori shay holatga keltirilgach, normal ish rejimiga qaytdi.

Polsha bosh vaziri Donald Tusk jurnalistlarga Rossiya o‘z mamlakati havo hududini uchuvchisiz uchoqlar bilan buzgani va bu keng ko‘lamli provokasiya bo‘lishi mumkinligini aytdi.