Polsha prezidenti Anjey Duda NATO davlatlarini mudofaa byudjetlarini ko‘paytirishga, YAIMning 2 foizidan oshirishga chaqirdi.
Avvalroq Polsha rahbariyati joriy yilda Polshaning mudofaa byudjeti yalpi ichki mahsulotning 4 foizini tashkil etishi mumkinligini aytgandi.
"Biz mudofaa xarajatlarini ko‘paytirish uchun ittifoqchilarni safarbar qilish zarurligi haqida ham gaplashdik. Biz doimo o‘zimiz uchun xavfsizlikni maksimal darajada ta’minlay oladigan tarzda harakat qilishimiz kerakligini takrorlaymiz" dedi Duda Bratislavadagi G-9 sammitida.
"Biz o‘z majburiyatlarimizni bajarishimiz kerak. NATO tomonidan bir necha yil oldin qabul qilingan yalpi ichki mahsulotning shartli 2 foizi - bu minimal bo‘lishi kerak, bizning fikrimizcha, Shimoliy Atlantika ittifoqi mamlakatlari mudofaa byudjeti undan yuqori bo‘lishi kerak ", dedi Polsha prezidenti.
