Pistorius: Germaniya Ukrainaga tinchlikparvar kuchlarni yuborishni rejalashtirmayapti

Germaniya mudofaa vaziri Boris Pistorius hozirda Ukrainaga tinchlikparvar kuchlarni yuborish masalasi ko‘rib chiqilmayotganini aytdi.

"Va bu faqat jamoaviy mandat ostida, ya’ni Yevropa Ittifoqi, NATO yoki BMT doirasida joylashtirilgan taqdirda mumkin. Biroq hozircha buning uchun hech qanday tashabbus yo‘q," - dedi u Frankfurter Allgemeine Zeitung gazetasiga bergan intervyusida.

Pistoriusning tushuntirishicha, Bundesverga bunday xorijiy operasiya uchun katta ehtimol bilan parlamentning ruxsati kerak bo‘ladi.

Shunga qaramay, vazir GFR hukumati kelajakda bunday tashabbusni ilgari surishi mumkinligini istisno qilmadi.