Peskov: "Rossiya Bashar al-Asad rejimini qo‘llab-quvvatlashda davom etadi"

Kreml matbuot kotibi Dmitriy Peskov Suriyadagi so‘nggi voqealar va terrorchi guruhlarning mamlakatning ayrim hududlaridagi harakatlariga izoh berar ekan, Rossiyaning Suriya prezidenti Bashar al-Asadni qo‘llab-quvvatlashda davom etishini ma’lum qildi.

Kremlga ko‘ra, Rossiya vaziyatni tahlil qilmoqda va tegishli darajadagi aloqalarni davom ettirgan holda vaziyatni barqarorlashtirish choralari bo‘yicha pozisiyani shakllantiradi.

Chorshanba kuni ertalabdan boshlab terrorchilik guruhlari ayrim davlatlar ko‘magida va xorijiy jangchilar ishtirokida Halabning shimoli-g‘arbiy, g‘arbiy va janubi-g‘arbiy hududlarida Suriya armiyasining pozisiyalariga qarshi keng ko‘lamli hujum boshladi.

Bu harakatlar 2020 yilgi sulh bitimini buzdi, chunki mintaqa Turkiya tomonidan Ostonada muzokara qilingan deeskalasiya zonasiga kiradi. Bu zonaga Idlibning bir qismi, Aleppo chekkasi hamda Xama va Latakiya hududlari kiradi.

Eslatib o‘tamiz, 2017 yilda Eron, Rossiya va Turkiya Ostona jarayonining kafillari sifatida Suriyada to‘rtta deeskalasiya zonasini yaratishga kelishib olgan edi.