“Paxtakor” klubi Otabek Jo‘raqo‘ziyev va Ibrohim Ibragimovning transferini e’lon qildi. Bu haqda “Paxtakor” klubi matbuot xizmati o‘zining Instagram sahifasida ma’lum qildi.
Otabek Jo‘raqo‘ziyev “Olimpik” safida 11 uchrashuvda qatnashgan. Uchrashuvlarning 10 tasini boshlang‘ich tarkibda boshlagan futbolchi 2 bora raqiblar darvozasiga yo‘l topgan va bir bor golga assistentlik qilgan. Futbolchi "sherlar" tarkibida 30-raqam ostida harakat qiladi.
Ibrohim Ibragimov "Olimpik" tarkibida joriy mavsum 4 bora raqiblar darvozasini ishg‘ol qilgan. Futbolchi “Paxtakor” safida 9-raqamda harakat qiladi.